死婆發癲難阻
作死佢呀！今晚係咁打電話俾個死婆都唔通，仲背住我係公司入面發晒癲，鬧我公司個死肥佬教授！咁搞法，我以後仲駛出蒞行既？
事緣我個衰囡早前玩自殘，又識埋班豬朋狗友，仲係班 Uncle、 Auntie 面前講粗口，更周圍同人講佢老母係「褔街」！其實，我都知佢地既關係已去到血海深仇既程度。你問我都唔知點解，你知啦，我日理萬機，公司咩Ｌ野都要理，只因我係公司既第一把交椅，邊有時間理尐咁濕碎既家事。但佢始終係我個囡，點都要幫佢解決下問題既！
就係因為我有先見，所以一早就踢左個衰囡去英國讀書，希望佢發癲都會行遠尐，咪 L 影衰我。但好衰唔衰，個衰囡有朋友同我公司入面個死肥佬教授係親戚，仲爆Ｑ晒俾我屋企尐野俾佢知。就係咁，個死肥佬一返工就好似核爆咁，爆講我衰囡既事俾全世界聽，方死無人知咁。個死婆知道後，唔止晚晚係屋企發 L 晒癲，仲日日搵我同個賓賓做出氣袋！搞到我屋企個賓賓第二日補錢俾我即走，我仲記得當日既情境，個賓賓趕到連褲都著唔切就標左出門口！你知唔知依家搵個賓賓係件幾咁難既事！唉，咁都算Ｌ數，今晚仲襯我出去西環同班北佬傾生意時走去公司搵個死肥佬算帳。掉晒我架！
人，當你去到某個高位既時候，好多人就會唔抵得你叻，就會周圍咁唱衰你，整臭你個「朵」。我明架，死肥佬好明顯係「葡萄友」，工事搞唔到我，就搵我屋企尐野講! 不過我唔怪佢，更因為佢咁做，更證明我係公司既實力無人能及! 記得以前睇「雍正皇朝」，話以前尐皇帝叫自己做「朕」，就係因為皇帝係無敵無對手，因此感覺孤獨，便叫自己做「朕」。我相信，呢個時候既我，一定可以用「朕」蒞形容自己。不過，我都明白既，你地呢班只有一般教育水平既廢柴係唔 L 會明既!
講左咁耐，個死婆仲未覆朕，朕都係要去搵下佢，唔係之後返蒞，又要生要死就煩到朕。朕無辦法唔認，同個死婆係前世唔修既，但係無辨法，朕同佢雖然無感情，但係為左朕既形象，點都要忍住，唔係到時又俾班「葡萄友」唱衰。正所謂：「天將降大任於斯人也... 」唉... 你地都係唔 L 會明朕既苦架啦，為了天下，朕只好忍! 突然間，朕真係覺得自己好偉大，為左你地班奴隸，我竟然可以忍辱負重，做到咁多嘢，你地班廢柴仲唔快尐多謝我!! (電話響起)
唔講住，朕聽電話先，等遲尐有時間，朕再過尐料俾你地，教精你地班廢柴!
